Kartat e kreditit ...

Diskutime tek 'Ekonomia & Biznesi Shqiptar' filluar nga Isabelle, 20 Nov 2002.

  1. Isabelle

    Isabelle Anëtar i njohur

    Kartat e kreditit ...

    Po e hap kete teme ketu (edhe pse mund te mos kete lidhje direkte me probleme ekonomike madhore si subjektet e tjera qe po diskutohen ne kete seksion /pf/images/graemlins/smile.gif ).

    Credit Cards .... borxh anyone :tipsy: ?
  2. NYC_GUY

    NYC_GUY Fillestar

    Re: Kartat e kreditit ...

    Une kam zene radhen per qumesh qe mbreme .Mos ma kujtoni fjalen borxh se me vjen turp , punoj dhe ne banke lol
  3. kastriot

    kastriot Fillestar

    Re: Kartat e kreditit ...

    A mundet njeriu me pagu me karte krediti ne Shqiperi perveç se tek Rogneri????
    Kur isha une heren e fundit karta nuk ecte tek asnje banke per te terhequr para dhe per te ngrene shkonte vetem tek Rogneri. Ndoshta ka ndryshuar ndonje gje keto kohet e fundit.
    :confused:

    Kastriot
  4. Tasi

    Tasi Fillestar

    Re: Kartat e kreditit ...

    Banka e Kursimeve leshon Master Card, mbeshtetur nga nje banke austriake, qe prej kater vjetesh.
    Ajo eshte e disa tipeve - 1000 EURO, deri 4000 euro, deri 20000 euro dhe mund ta shfrytezosh ne te gjitha pikat qe pranojne pagese me kete tip karte, pa diskutim ne internet per pagesat online.
    Pra, pranon edhe pagesat me kete tip karte. Eshte edhe nje banke tjeter qe une nuk e kam fort per zemer dhe uroj qe te falimentoje, ndaj nuk po e permend emrin e saj qe pranon pagesat me Visa. /pf/images/graemlins/smile.gif

    Tani nuk eshte vetem Rogneri qe pranon pagesa te tilla por edhe lokale te tjera apo agjensi udhetimi etj. Pra, kuota zero eshte tejkaluar, por akoma eshte ne filimet e saj.

    Problemi i Kredit Kartave nuk eshte problem vetem mentaliteti, por sistemi bankar ne pergjithesi, edhe per shume kohe nuk do ta zgjeroje kete sherbim per shume arsye, te cilat lidhen ngushte dhe pazgjidhshmerisht me elemente te tjere financiare, sidomos me ekonomine informale.
    Do te ishte pa shume kuptim qe nje banke te realizonte blerjen e nje softi qe lidhet me sigurine e transaksionit dhe qe kushton disa miliona USD, per te garantuar pagesat e nje numri te kufizuar klientesh.

    Eshte detyra e Bankes se Shqiperise qe per cdo licence qe jep TA VINTE SI KUSHT, plotesimin e te gjithe infrastruktures bankare te nevojshme ne sherbim te klentit. Ajo nuk duhet te lejoje mbirjen e Bankave qe ne bashkepunim me llumin, te bejne lavazhin dhe jo banken.
    TRAGJIKISHT , duhet te pohojme qe SISTEMI BANKAR I NIVELIT TE DYTE, eshte uzurpuar nga Bankat Greke. Mendoni se cfare mund t`i ofrojne keto banka zhvillit te Shqiperise.
    Njera prej tyre ne bashkepunim me hajdutet e Albtelekom sh.a. me ne krye Dhimiter Raftin, vetem ne harkun e nje viti i kane vjedhur arkes te Albtelekom-it mbi 4 Miliarde leke.

    Ne kete menyre me duhet te pohoj qe ose kur t`ju ngrifet ketyre te bolduarve, do te shohim pakes drite, ose kur te na grifet neve per ta abandonuar kete zgjebe.
  5. tirana

    tirana Fillestar

    Re: Kartat e kreditit ...

    Maj 2002. Nje here!!
  6. Isabelle

    Isabelle Anëtar i njohur

    Re: Kartat e kreditit ...

    Informacioni i mesiperm eshte mjaft interesant; kam disa vite qe ndodhem larg Shqiperise dhe eshte gjithmone intriguese te mesosh per ecurine e ketyre gjerave ne vendin tone.

    Eshte ceshtje mentaliteti sic e kish permendur edhe para-shkruesi /pf/images/graemlins/smile.gif , dhe sidomos per Shqiperine ku sistemi bankar padyshim mendoj duhet jete akoma duke hedhur hapat e pare ne keto drejtime.

    Ne USA pa kredit realisht e ke shume te veshtire te arrish ndermarrjen e mjaft investimeve jetesore.

    Borxhi (ndaj kredit kartave) nderkohe shumefishohet per ceshtje ditesh, dhe pa e kuptuar gjendesh ne mes nje kaosi financiar aq lebetites sa eshte shume e veshtire te marresh veten dhe ta perballosh.

    Per kuriozitet : ne Shqiperi cilat jane kriteret e pranimit dhe aprovimit per kredit ? Perqindjet e interesit ?
  7. tirana

    tirana Fillestar

    Re: Kartat e kreditit ...

    Ne Shqiperi mund ta perdoresh ne agjenci udhtimesh, restorante, hotele dhe jo vetem ne nje, por ne shume vende. Per te terhequr cash nga sporteli nuk e di, por besoj nuk duhet te jete problem.
    Kam degjuar qe mund te pajisesh dhe me American Express po nuk e di nepermjet ciles bance ne Albani.
  8. tutu

    tutu Fillestar

    Re: Kartat e kreditit ...

    Nepermjet ABA-s (asaj amerikones medemek) Muni. Si parim kartat e kreditit me hapin barku sepse mbesheten mbi shpenzimin e parave qe nuk i ke ne dallim nga ato te debitit qe te pakten jane leket qe ke ne banke. Vete dy vjet pothuajse ne US as kam marre e as kam per te marre ndonjehere karte krediti (rrofshin parimet qe i shpalosim si flamur /pf/images/graemlins/laugh.gif ). Megjithate, ne ekonomine amerikane, qe eshte e mbeshtetur mbi shpenzime (consumption - C- me duket se eshte perberesi me i madh i GDP) krediti makes sense. Une prapeseprape mbetem kunder /pf/images/graemlins/laugh.gif .
  9. Tasi

    Tasi Fillestar

    Re: Kartat e kreditit ...

    Mos me pyet per kete se me vjen per te vjelle kur e kujtoj.
    Bankat shqiptare nuk e japin karten si lehtesi per kryrjen e sherbimit per klientin, por ato , DHE KETE TI NUK DO TA BESOSH, kane kete kusht:
    qe te pajisesh me CC me limit psh 4000 euro, duhet te jesh klient i bankes, ( normale kjo ) por duhet te kesh nje depozite siguruese qe shkon deri ne 10000 euro, pra ne vend te te kreditoje banka ty, e krediton ti ate me nje diference pagese 250 % te aftesise se saj paguese ( te kartes ). Ne keto kushte Credit Card nuk mund te quhet, megjithate kur e merr ajo eshte plotesisht e tille, pra, fuqiplote si ne cdo vend tjeter te Glogit.
    Ne infon e mesiperme, kam harruar te permend edhe Diners Club qe e emeton Banka Italo-Shqiptare. Ka dy tre vjet. Dhe sebet per kete eshte bere nje birbo qe nje here ne vit mediat e akuzojne per kontrabande cigaresh.

    Tani per te thene te verteten FARE, Master Card, nuk u fut si sherbim se ata te Bankes se Kursimeve po zgjeronin gamen e sherbimeve, por sepse me te ishte e nevojshme te pajiseshin zyrtare te shtetit, qe detyra apo ofiqi i tyre kerkon te udhetojne jashte shtetit dhe lane nam duke marre nga nje cante me pare me vete me para cash. Pra, klientet e pare ishin dhe jane ata. Te tjeret kur t`u mbushet mendja te behen, e zor se do te perhapet masivisht me te tilla kondicione qe vene bankat dhe me te tille nivel mosbesimi qe kane bankat ndaj klienteve te tyre.

    Se mos e lexon ndonjeri dhe thote ja ka fut kot ky miku. Nuk jane keto arsyet kryesore, por ky eshte nje debat teknik dhe shume i gjate, qe nuk ma do mendja qe ta hapim ketu, se marrim kohe dhe nuk zgjidhim gje.

    Interesat jane te krahasueshme megjithese jane te pakuptimta me ate kusht qe ofrojne bankat per hapjen e CC.
  10. Isabelle

    Isabelle Anëtar i njohur

    Re: Kartat e kreditit ...

    Prandaj pyes cilat jane kriteret e aprovimit nese aplikon per linje krediti.

    Depozitimi i fondeve (lene peng nese mundem ta quaj keshtu) nga klienti eshte forme qe praktikohet edhe ne US. Eshte menyre per te garantuar dhe reduktuar humbjet e mundshme qe bankes mund ti shkaktohet nga mos-shlyerje te kredive.

    E vertete qe duke vepruar keshtu 'po krediton klienti banken si fillim ' por c'menyra te tjera mund te perdorin bankat per tu mirebesuar klienteve keto para te huazuara ? Dhe e shtroj kete pyetje duke patur parasysh te gjitha format e 'dallavereve' qe ndodhin ne Shqiperi (sic edhe i ke permendur vete) dhe rrezikun mjaft te madh qe bankat vete duhet te ndeshin me kete pasiguri...
  11. Tasi

    Tasi Fillestar

    Re: Kartat e kreditit ...

    Kam pershtypjen qe jemi keqkuptuar.
    Une kam dhene sqarime per Credit Card dhe jo per kreditimin apo linjat e kreditim.

    Per Credit Card sqarimi eshte i njejte.
    Per linja kredimi jemi ne terren tjeter.
    Ketu ( Shqiperi ) behet fjale per koletaral, i cili per banka te ndryshme eshte i ndryshem por qe shkon deri 200% te vleres se kredituar nga banka dhe interesat varen nga monedha e kredituar, USD, EURO, LEK.
    Une nuk mundem qe me kaq pak kohe te te jap te gjithe pasqyren e dokumentacionit qe duhet te pergatisesh, per kete.
    Por sa shkurt dua te theksoj se ka edhe institucione qe e kane me shume serizisht kete pune se sa bankat e nivelit te dyte. Jane ca fondacione, parabanka, qe kerkojne te futen ne tregun financiar te kreditimit. Shumica kane origjine nga US. Secila ka filozofine e vet te manaxhimit dhe eshte e pamundur te jap detaje.

    Pjesa tjeter e debatit qe lidhet me pengun, apo ta quajme si te duash, boll qe e marrim vesh se kush, bazohet nga parimi: Jam djegur nga qulli dhe do t`i fryj edhe kosit.
    Bazuar ne eksperience aspak te mire qe u krijua me kredite e dhena nga ish-banka Tregtare, ne ato kohe shtetrore, une justifikoj plotesisht friken e bankave ketu, per kreditim.
    Megjithate, ato, nuk i permbahen ligjit, kur deturohen te kreditojne nje % te caktuar te kapitalit te tyre, sepse asnjera prej tyre nuk e arrin kete limit.
  12. Isabelle

    Isabelle Anëtar i njohur

    Re: Kartat e kreditit ...

    E perdora nocionin e kartes se kreditit dhe linjes se kreditit njesoj duke menduar qe perzgjedhja qe behet pak ose shume ngjason: ne fund fare banka perballohet me te njejtat dilema - kujt, sa, pse, kur - per sa kohe ?...

    Pikerisht tek 'kolaterali' e kam fjalen: duke marre parasysh nivelin ekonomik, papunesine, e te tjera veshtiresi ekonomike te njerezve ne Shqiperi cfare merret parasysh kur nje individ te themi (i punesuar ne shtet : jo aktivitet privat, me te ardhura standarte, baze) deshiron/mundohet te aplikoje qofte per linje krediti (per blerje te medha (shtepi etc etc ), qofte per nje kredit karte qe deshiron ta perdore sa here qe mund ti jepet mundesia te udhetoje jashte vendit per lehtesi te themi ?
    Paranteza me kete qe mund te ofroj eshte se ne bote keto kritere permbushen duke u bazuar mbi kushtet financiare dhe 'background-et' e aplikanteve ( punesimi & te ardhurat e gjeneruara, kredibilitet ne pergjithesi etc ).
  13. Re: Kartat e kreditit ...

    Karta krediti/karta debiti - Botë/Shqipëri

    Po e nis nga Bota. Nëse do, mund të bëhesh koleksionist kartash krediti e debiti, të kesh sa ke patur në vogëli pulla poste. Jo vetëm bankat por dhe supermarketet e mëdha kanë të tilla. Në amerikë, mund ta nisësh nga zeroja, hap një llogari të thjeshtë bankare apo ceking, nëse do mund të marrësh kartë. Ai që ka frikë nga krediti e interesat mund ta marrë kartën me dy funksionet krediti dhe debiti, kështu nuk ka për të paguar interesa e po e kaloi limitin kuptohet. Keta i japin rëndësi historikut të kreditit. Gjithsesi edhe duke mos ecur gradualisht, llogaritë e ngrohta të shqiptarëve ju japin mundësi të marrin direkt e 250000 dollarë kredi, pa kaluar televizor, makinë etj. Kredia dhe karta e kreditit de jure janë të ndryshme por de facto kur një individ këtu ka të themi 100000 dollarë kredi te ajo karta cmbetet të thuash. Jo, duhet të thuash se askush nuk e do këtë lloj krediti se mund të jetë me 12% e të të ulet me kohë 10%, ndërkohë që për financim shtëpie ku risku është i ulët kredia është të themi 6%.
    Tani Shqipëria jonë e dashur. Ekonomia shqiptare dhe ne kohë e enverit eshte financuar me kredi. Me një stop në ndrimin e sistemeve, u nisën e u dhanë. Kujt, kush privatizoi, shitset, shitses do ti jepej, sa dinte kjo të punonte, sa ditën politikanët që bënë atë lloj tranzicioni. Banka ishte ajo që u gjend para transformimit, ishte ajo që duhet të përballonte kapitalizmin për hesap të vet e nga ana tjetër të mësonte gjithë këtë milet se duhet të regjistrohesh në tatime, të kesh bilanc, të bësh këtë e atë. Pasi pati dështimin në startim, bankat u bënë të zonjat, të miradministronin miliona kredi. Ne e kemi zakon të flasim pa shifra, kush i ka rënë ndonjëherë lapsit, sa kredi u dhanë në total, sa u kthyen bashkë me interesat dhe si nga brenda mund tju them se një fitim neto prej të paktën 10% do dalë nga ajo llogari. Pse harrohet fakti, se bankat për ato kreditë "e liga" që i përgojojnë sa herë ju ngrefet e ju shkrefet njerëzve kanë për llogari të tyre, të vendit si rrjedhojë, gjysmën e Shqipërisë, se gjysma tjetër ju dhurua të tjerëve. Pse nuk ju la bankave të menaxhonte ato biznese që nuk shlyen kredinë, siç bëhet në gjithë botën. Përgjigja është një fjali më sipër. Ka karabushë si Prifti që duan të shesin gjithçka, mender jush dhe brekët. Për të mos folur për milionat e kredive të bujqësisë që bankat vetëm ndoqën arkëtimet, kush do ti merrte u caktua nga Drejtoritë e Bujqesisë (se ishin kredi e ndihma qeveritare) apo nga fondacionet u huaja me njerzit e tyre. Si prisni ju të kthejë kredinë e një kombajne ndonjë katran që e bleu për 40 mijë dollarë e i duhet ta paguajë për 80 mijë dollarë me gjithë interesa. Me cilën llogjikë duhet që një biznes i sulmuar shqiptar të merrte kredi për vite me rradhe me interesat 32-26% e te paguante interesa dyfishe e gjoba 5% të shumës së pakthyer për ditëvonesat. Të gjitha bankat e botës shplanë bilancet nga kreditë e pakthyera në gjithë amerikës kur direkt u godit vetëm Nju Jorku. Në 1997 në Shqipëri vetëm Kreyministri - Presidencë mbeti pa u vjedhur, e përsëri bankat arkëtuan kredi dhe në mars, dhe në prill, dhe në maj, përsëri kishte të çmendur që kërkonin arkëtimin e kredive. Mllef, do thotë ndonjë kokë e ndritur. Si urdhëron zotëri, dhe jashtë kësaj bote do të të plotësoja unë.
  14. babyboy

    babyboy Fillestar

    Re: Kartat e kreditit ...

    A di ndonjeri nese ka ATM ne Shqiperi?
  15. Tasi

    Tasi Fillestar

    Re: Kartat e kreditit ...

    Tani jam me i qarte.
    Credit Card dhe linje krediti nuk eshte e njejta.
    E nese termi i pare eshte instrument, pra, nje mjet qe banka ua ofron KLIENTEVE te vet, per te siguruar epersine e te paguarit pa patur nevojen per para cash, dhe nuk kerkon asgje me shume se besueshmerine qe ka banka tek klienti, ( ne perendim mjafton te jesh i punesuar ligjerisht dhe bankat te lusin qe te marresh nje Credit Card dhe nuk kerkon asnje kusht tjeter), e dyta eshte bashkepunimi ne formen e interesave te dy aneshme midis klientit dhe bankes.
    Per te dyten per banken nevojitet te dihet qellimi, te ardhurat e garantuara apo te priteshme te cilat jane te domosdoshme per shlyerjen e kreeditit qe te jep banka.

    Per te qene me konkret supozojme qe ke nje biznes dhe ne pjesen kapitale te ngurtesuara te bilancit, ke 100.000USD vlere dhe vlera te tjera te aktivit 500.000 USD.
    Per te marre nje kredi ne banke ne rastin e mesiperm do te duhet qe:
    01. Te hartosh plan biznesin per vleren e kredise qe do te maresh me te gjitha elementet e saj.
    02. Te vertetosh qe nuk je debitor ndaj asnje banke tjeter ne Shqiperi.
    03. Subjekti nuk eshte ne falimentim.
    04. Nuk eshte ne ndjekje penale owner
    05. Te vendosesh si kolateral pjesen e ngurtesuar te aktivit te bilancit, nese banka e gjykon se mund te pranohet

    Mbas plotesimit te tyre ajo kalon ne bordin e bankes dhe supozoj qe pranohet kreditimi, rregulli pa korrupsion eshte qe ti mund te arrish deri ne 50.000 USD pra 50% te kolateralit qe ishte 100.000 USD. Me nje cike korrupsion edhe me shume.
    Ne asnje rast banka nuk mund te jape PARA CASH, por ajo ben pagesa ne favor te kredituesit per qellimin qe ai ka paraqitur ne planbiznesin e tij si dhe mbasi ka marre aprovimin , te demonstroje me siguri faturat e blerjes apo tjeter.
    Ka edhe gjera te tjera, por e lame me shkurt.

    Egzistojne ne Shqiperi banka qe ofrojne kredi per blerje makinash, shtepish, apo orendi shtepiake etj , mjafton qe te kesh nje vend pune te sigurte dhe me kontrate.
    Eshte krejt e natyrshme qe perpara rojes se nje firme kredi do t`i jepet p.sh. shefit te marketingut, pra preferenca per klientin varet nga vendi i punes dhe te ardhurat qe ai siguron. Megjithe akoma nuk jane masive, por jane ama.

    Per ... ta harrova emrin
    ATM nuk ka ne Shqiperi.
    Ka vetem Master Card e Diners Club qe emetojne bankat shqiptare, te tjerat vetem pranohen.

    Nese ka ndonje gabim ne keto qe kam shkruar me falet se nuk punoj ne banke.
    Nje gje di me siguri une /pf/images/graemlins/smile.gif shiko firmen e userit
  16. Isabelle

    Isabelle Anëtar i njohur

    Re: Kartat e kreditit ...

    Tasi /pf/images/graemlins/smile.gif , informacioni i detajuar qe ke dhene mbi perzgjedhjen e aplikanteve per kredi ne Shqiperi eshte mjaft interesant. Faleminderit /pf/images/graemlins/smile.gif .

    Ve re' qe procedurat jane afersisht ne teori me ato qe zbatohen pergjithesisht ne bote.

    Nderkohe, do doja thjeshte te shtoja dicka: vura re' qe e permendni (si ju po ashtu dhe Diabolis Dasaretis) dhe konsideroni procesin e marrjes se kredit kartave ne bote si mjaft te thjeshte. Ndersa kjo eshte e vertete me kalimin e kohes , ky realitet nuk eshte aspak i tille (i lehte) per aplikante te rinj, te lokalizuar ne vende te ndryshme te botes ne perendim. Eshte pikerisht ajo siguria qe fitohet me kohe qe e ben te gjjithe procesin mjaft te veshtire fillimisht.

    Pyetje tjeter : Ne lidhje me rrogat mujore ne Shqiperi ... kane filluar te praktikohen pagesa me çeqe apo "elektronike" bankare per individe qe mund te kene llogari bankare ?

    /pf/images/graemlins/smile.gif
  17. Elian

    Elian Fillestar

    Re: Kartat e kreditit ...

    Ja nje gje te mire qe beri Università Degli Studi di Pisa, ne bashkepunim me nje banke qe s'ja maj mend emrin kurre.
    [​IMG]

    Karta eshte si puna e skedave telefonike .. prepagata.
    Nuk ka nevoje per llogari bankare.
    Ka te gjithe funksionet e plota te atyre qe hapen me llogari normale
    Nuk ka kosto aktivizimi e interese.
    Cdo perdorim i saji kushton 2 €uro, pervec sporteleve te asaj bankes ku eshte leshu, dhe Casa di Risparmio di Pisa.
    E keqja eshte se mund ta perdorin vetem studentat e ketij Universitet.
  18. Re: Kartat e kreditit ...

    Diabolisi kishte kohë që po përpiqej ti fuste një shplarje trurit për kësi punësh, po dreqi e di paska dhe backup.
    Në banka si dhe në çdo gjë tjetër Shqiptare kemi dy pamje një blu kohë në të cilën u punua për të bërë sa mund të bëhej dhe një kohë rozë ku gjithçka u stopua dhe vetëm privatizimi quhej punë të tjerat humbje kohe. Kjo e fundit e tregoi kush humbi kohë, po përveç tasit e ndonjë tjetri nuk pyet njeri. Atëhere qëmoti, bankat shqiptare, hodhën çeqe, fillimisht për bizneset, që ishin edhe të pagueshëm e të pranueshëm kudo, edhe të kthyeshëm në CASH në vlera mbase deri në 10000 USD (që po shkove këtu të kërkosh aq CASH merr lesh). Për ata njerëz që po i hynin kësaj pune tok me bankën, u përgatiten dhe karta plastike të sigurisë së lartë, që ishin më tepër karta identiteti, e më pas kjo rrugë do sillte dhe kartat elektronike (ju kujtoj se bankat ndërkohë mezi rregulluan gjeneratorët etj). Pastaj 1997. Komentet janë të tepërta. Prej atëherë gjithçka i është lënë në duar iniciativës së të tjerëve.
    Nëpër atë albforumin që iku kam shkruar dhe nja dy herë për kësi punësh: për çeqet i takon Shtetit, të shtypë, dhe paguajë punonjësit e administratës së tij me to që janë (se as vete se dinë midis 110000-130000 njerëz). Sikur këta ta hapin llogarinë në bankë, të thyejnë atje çeqet e të paguajnë ujin, dritat, do të këtë europianizim nëse jo, mbeten shukat e lekëve. Përsa i përket kartave të kreditit, përvoja më e mirë në botë që na vjen është nga Meksika e cila në kufi me USA ka pikë për pikë ato probleme që kemi dhe ne, refugjatë, gllabërim kapitali, (le të hapin një ambasadë se do mësojnë mjaft). Për kartat e debit-kreditit që janë dyemërore, me dy zotërues ku i dyti ka limit në tërheqjen apo pagesën e dollarëve(janë më të mirët për shqiptarët) një konsorcium bankash amerikane (më të mëdhatë) ju krijon mundësinë meksikanëve që gjenden në amerikë, që me dokumentat meksikane, të hapin kësilloj llogarish me dy përdorues njëri djali që punon në USA dhe tjetri prindi në Meksikë. Nuk i kujtoj dot milionat që kursejnë meksikanët tek Western Unioni për postimet, por ndërkohë ekonomisë i fyten në mënyrë konstante dollarë.
    Të dy rrugët janë të thjeshta, çekat individualë janë të lira, ndërsa për ATM-të nëse arrihet një marrveshje e tillë ato do të paguajnë vetveten gjatë përdorimit. Për ti bërë këto duhet të kesh BK shqiptare, e ca njerëz me bythë të forta.
  19. Kordelja

    Kordelja Anëtar i njohur

    Re: Kartat e kreditit ...

    Diabolis dhe Tasi, ju lumte........

    C'te thuash me shume, te tera jane thene.
    Une habitem se si me kane shpetuar keto tema :rolleyes: .
    Nejse, une punoj normalisht me bankat dhe edhe kam punuar vete ne nje te tille.Ishte nje enderr e keqe.Kur perballohesh me realitetin pasi ke lexuar libra eshte nje katastrofe.me besoni....
    Une jam e vetmja qe paguaj me para ne dore kur dal jasht per udhetime pune.Recepsionistet e hoteleve zgurdullijne syte, merreni me mend vete...pastaj edhe gjithe ato para me vete te ngjallin nje ndjenje mosbesimi ndaj c'do njeriu qe te afrohet.
    Nje histori (eksperience) personale.
    Duke qene se kisha patur keto raste vajta ne nje banke shqiptare (amerikane) per tu informuar per pajisjen me CC dhe kur degjova kushtet u skandalizova.Kerkonin nje depozite (garanci) prej 10.000 USD per nje Corporate Card me 4 "bija", para te cilat ti mund t'i perdorje gjate muajit por qe ne bilancin fund-mujor duhet te ishin po kaq.Kjo ishte pambarimisht e kerkueshme.Per vete u thashe qe American Express eshte nje kart e renditur e fundit ne radhen e preferencave ne EU ose "majtas" rruzullit, se ne Amerike eshte ndryshe, i thashe se eshte karta e vetme qe te mban 4 % te shumes se paguar (i mbahet shitesit) gje e cila e rendit te fundit si edhe qe kjo e kthente CC ne nje privilegj.Fjala privilegj per CC brenda EU dhe per ATM nuk ekziston me por ja qe ne jemi kaq larg.....Ne fakt ne kete vend nuk mund te sjellesh "faktet" dhe "standartet" boterore pa ndryshuar mentalitetin (fatkeqesisht) dhe politikat bankare.Kesaj banke nuk i interesoi as emri i mire i kompanise dhe historiku i saj per ta hequr garancine prej 10.000 USD dhe te na leshonte CC qe aq shume na duheshin.Kjo eshte vetem ceshtje mendesie dhe per rrjedhoje edhe politikat bankare edhe pse shume here ndikohen nga kaosi ligjor dhe politik, te lene shume per te deshiruar.
    Te pajisurit me CC eshte nje realitet i larget ende, Diners Card eshte nje deshtim total pasi ate s'e njeh njeri neper bote, Master Card dhe American Express qe leshohen jane teper te shtrenjta dhe bankat tona jane shume te ngurta.
  20. Tasi

    Tasi Fillestar

    Re: Kartat e kreditit ...

    Kordelja,

    ti e kupton fare mire qe secili nga ne diskuton bazuar ne eksperiencen qe ai ka ndeshur.
    Eshte e natyrshme qe ne te na paragjykojne, sepse kemi bere aq prapesira ne keto 12 vjet sa nuk te del nje jete per t`i numuruar. Ne kete konteks, pa e paragjykuar firmen ku ti punon, meqenese ajo punon ne nje terren shqiptar, me nje legjislacion fiskal si ky qe kemi, me nje administrate publike qe mos o zot, me nje pamundesi relative per te ushtuar kontrol mbi origjinen e parave dhe te fondeve qe ato xhirojne, me kete evazion fiskal te pashembullt, edhe ajo dhe punonjesit e saj do te paragjykoheshin. Eshte praktike e njohur per bankat qe ta investigojne klientin e tyre ne menyre qe te sigurojne besueshmerine ndaj tij. Atehere meqenese bizneset jane relativisht te reja nga njera ane ( plus ato qe sapo thashe me siper ) si vete bankat jane te reja per llogari te tyre, atehere jemi ne fillim te asaj qe eshte tradite ne vendet e tjera. Ne nuk mund te pretendojme qe eksperienca jone bankare aplikative te jete e njejte me ato perendimore, per vete historine e krijimit te tyre qe eshte shume e ndryshme si nga koha ashtu edhe nga eksperienca.

    Sa me siper une e justifikoj druajtjen e tyre. Nga ana tjeter une mirekuptoj edhe deshperimin tuaj apo ofendimin qe ju mund te ndjeni kur refuzoheni per te perfituar dicka qe qytetaret e tjere te EU etj eshte dicka normale. Kur them tuaj ketu perfshij edhe vetem time padyshim. Ne nuk kemi mundesi ta ndryshojme ritmin sipas nevojes qe kemi, por ta nxitojme ate sipas tendences natyrisht qe kemi.

    Si? Egziston nje gjendje, pra nje realitet. Ne e ndihmojme ate duke e kuptuar, perdorur dhe propaganduar. Keshtu numri relativisht i kufizuar, mbas cdo kontakti apo diskutimi behet +1, +2 e me rradhe. Dikush para nesh ka punuar per kete ne duhet te punojme per te tjeret.

    Absolutisht nuk eshte humbje kohe te merremi me nje teme te tille, qe shumica e anetareve te ketij forumi nuk e ka takuar si nevoje. Nga keta anetare ka ose do te kete shpejt punonjes banke, juriste, mjeke, sociologe, punonjes makrketi etj etj, te cilet do te jene mjedisi dhe ate qe sot e quajme tendence keta do ta kthejne ne realitet masiv.
    Kjo eshte e njejte me ate qe ndodhi para 4 vjetesh kur u hodh ne treg konsumi virtual i informacionit, internetit.
    Shkollimi i tyre eshte pa diskutim hopi me i madh qe ne se bashku do te presim.

    Nuk duhet te dyshosh qe une po bej moral. Jo. Une jam i prekupuar sinqerisht qe te mos jemi te fundit, sepse nuk ka perse.

    E keqja jone e madhe eshte se kuptojme.

Share This Page