Kenga Shqiptare !

Diskutime tek 'Muzika' filluar nga WORLD, 6 Sep 2016.

  1. MrCool

    MrCool Oldschool

     
    Frank likes this.
  2. Artin

    Artin Papirus rex

    FESTIVALI 38-TË NË RTSH, 1999

    S’jam tribu
    Teksti: Jorgo Papingji
    Muzika: Adrian Hila
    Këndon: Aurela Gaçe
    ______


    Tek ky vend ku jemi rritur
    Në një djepe bërë me dru
    Kemi lindur, kemi vdekur
    Varret tona janë këtu

    Më kanose, syrgjynose
    Më dërgove s’di se ku
    Kemi ikur, kemi ardhur
    Trojet tona janë këtu

    Ma tymose, ma nxirose
    Ma plagose qiellin blu
    Jemi gdhirë e jemi ngrysur
    Yjet tona janë këtu

    Sa bajlozë këtu dërgove
    Mbret e krajle me ushtri
    Por shqiptar me mbeti emri
    Edhe vendi Shqipëri

    S’jam tribu, s’jam tribu
    Në këto troje s’jam tribu
    Kam lindur në këtë tokë
    Dhe do vdes këtu

    S’jam tribu, s’jam tribu
    Në këto male, mbi këta gurë
    Kam lindur shqiptar
    Dhe do vdes kështu

    Brez pas brezi hapëm shkëmbin
    Me parmendën bërë me dru
    Kemi mbjellë e kemi korrur
    Rrënjët tona janë këtu

    Morëm dritë nga faqja e diellit
    Gjuhën tonë e bëmë me nur
    Shpendin e lirisë së qiellit
    Përmbi gjak e bëmë flamur





     
    MrCool likes this.
  3. Artin

    Artin Papirus rex

    FESTIVALI I KËNGËS NË RTSH, 1991

    Përse kështu

    Teksti: Donika Xhixha
    Muzika: Artur Dhamo
    Orkestroi: Edmond Xhani
    Këndojnë: A.Dhamo, A. Filipi, H. Sadikaj
    _________

    Ndoshta gabim në jetën tënde
    Desha të hyj
    Por ti më fal
    Ndoshta pendim ndien këto çaste
    Për sa më dhe
    Sërish më fal

    Ndoshta nuk munda
    Noshta nuk di të mbes pranë teje
    Ndaj po rri larg
    Veç jo pa dhimbje
    As dhe pa mall
    Në heshtje qaj
    Veç ti mos qaj

    Se kam kaq kohë që veten pyes
    Kush ka gabuar
    Ka kohë që zemra rrahjet i shton
    Ty t’kërkon, të kërkon
    Kur ikën larg e paske mendimin
    Për këtë ndjenjë
    Kam kohë që ty të pyes
    Të pyes pa fjalë, përse kështu

    Unë s’dua kurrë që syve të tu
    Në vend të gazit t’u ngrijë ky lot
    Loti i tundimit mbi cep të buzës
    Gjurmën e puthjes s’e ruan dot

    Po jo nuk desha dhe të pikojnë
    Nga sytë e mi të pastërit lotë
    Për dashurinë që mbeti ëndërr
    E më tek unë nuk kthehet dot

    Ndoshta harruar e ke poetin
    Dikur të thoja vargjet e tij-a
    Se s’dashuronim as unë, as ti
    Po dashuronte dashuria

     
  4. Artin

    Artin Papirus rex

    FESTIVALI I KËNGËS NË RTSH, 1995

    Një kitarist virtuoz, tek minuta 2:20...

    S'mundem të jetoj pa ty
    Teksti dhe muzika: Mentor Gjurgjeali
    Orkestroi: Nexhat Mujovi
    Këndon: Mihrije Braha
    _____

    Më troket në derën time
    E më zgjon nga një vegim
    Eh, më trembet zemra ime
    Më heq zvarrë nëpër kujtime
    E çapitem me ngadalë unë
    Nëpër natë

    Ku janë ëndrrat, ku je ti
    Ku u tretën ata sy
    Ata sy ku shkrihej qielli
    Ai ballë ku thyhej dielli
    Pse s'më kthehesh mua sonte
    Si dikur

    Se ëndërr të vetme ty të kam
    Tash pa ty e humbur unë jam
    Se jeta shkoi
    Atë ditë kur shkove ti
    Me kokë të lëshuar
    S'mundem të jetoj pa ty

    Unë nuk besova se do t'shkoje përgjithmonë
    E kaq lehtë do të harroje rrugën tonë
    Ku së bashku ne shëtitnim dhe flisnim për dashurinë
    Ku së pari zemra njohu lumturinë


     

Shpërndajeni këtë faqe