Marredheniet Publike

Diskutime tek 'Ekonomia & Biznesi Shqiptar' filluar nga AIPR, 20 Apr 2006.

  1. AIPR

    AIPR Fillestar

    Marredheniet Publike

    Kjo teme hapet per te njohur me mire Marredheniet Publike dhe per te treguar rendesine e tyre ne mbarevajtjen e nje biznesi.
    Le te shohim pak historine e marredhenieve publike.

    Historia e marrëdhënieve publike (PR)

    Origjina e mardhënieve publike mund të kërkohet te publicistët e specializuar në promovimin e shfaqjeve të cirkut, shfaqjeve teatrale apo spektakleve të tjera publike. Por shumë PR janë rekrutuar zakonisht nga bota e gazetarisë, pasi gazetarët arrijnë të përdorin njohuritë e tyre mbi median për të siguruar një mbulim më të mirë mediatik të mesazheve të përçuara nga klientët e tyre.

    Lufta e Parë Botërore ndihmoi në zhvillimin e marrëdhënieve publike si profesion. Profesionistët e parë të PR, përfshirë Ivy Lee, Edward Bernays, dhe Carl Byoir, patën fillesat e tyre në Komitetin e Informimit Publik, institucion që prodhoi publicitet për synimet e SHBA-së në luftë.

    Ivy Lee, njihet si personi që zhvilloi konceptin e Njoftimit për Shtyp dhe që shpjegonte se puna e Marrëdhënieve Publike konsiston në ndihmesën e klientëve për ta bërë mesazhin më të qartë, më të kuptueshëm dhe të dëgjuar më mirë nga publiku. Pra Marrëdhëniet Publike u konceptuan me dy qëllime: Nga njera anë ndihmonin kompaninë apo institucionin qeveritar të jepnin mesazhe të qarta dhe nga ana tjetër, ndihmonin audiencën të kuptonin mesazhin.

    Por ndryshe nga praktika, mbi themeluesin e këtij profesioni, Ivy Lee, rënduan akuza për përdorimin e marrëdhënieve publike në mënyrë të njëanëshme, pra vetëm në interes të klientit dhe jo të publikut.

    Bernays ishte nga ana tjetër teoricieni i parë i këtij profesioni. Ai ishte një nip i Sigmund Freud dhe i mori shumë parime nga teoritë e Freud mbi motivet joracionale të sjelljes njerëzore. Ai është autor i shumë librave mbi këtë fushë dhe e konsideronte PR-in si një shkencë sociale të aplikuar.

    “Manipulimi i vetëdijshëm dhe intiligjent i opinionit të masave është një element i rëndësishëm në shoqërinë demokratike”, - shkruante ai në librin Propaganda. “Ato që manipulojnë mekanizmat e fshehur të shoqërisë përbëjnë një qeveri të padukshme, e cila në vendin tonë është forca e vërtetë e pushtetit”.

    Një nga klientët e hershëm të Bernay ishte edhe industria e duhanit. Në vitin 1929, ai orkestroi një publicitet legjendar që synonte të bindte gratë të pinin duhan si shenjë kryengritjeje ndaj pabarazisë gjinore. Në atë kohë, pirja e duhanit nga gratë konsiderohej jofemërore dhe e pahijshme. Rezultati ishte aq i fortë, sa shumë gra filluan të kërkonin anëtarësim në klubet duhanpirëse që në atë kohë kontrolloheshin nga meshkujt.

    Propaganda

    Propaganda është padyshim një fushë e marrëdhënieve publike, por megjithatë, nuk e karakterizon atë. Në përgjithësi, relatorët publikë përpiqen të ndikojnë opinionin nëpërmjet pikëpamjeve më intelektuale dhe më të argumentuara ndërsa propaganda përdor përgjithësisht emocionet primitive si dashuria, frika, besnikëria, paragjykimi.

    Një nga kryeveprat e propagandës në të gjitha kohërat konsiderohet filmi "Triumph des Willens", (Triumfi i Vullnetit), një film i realizuar në kohën e nazizmit nga Leni Riefenstrahl. Ai konsiderohet si filmi më i mirë i propagandës i kryer ndonjëherë si përsa i përket efektit që dha në popullin gjerman ashtu edhe për shkëlqimin artistik.

    Një instrument tjetër që përdoret dhe që është konsideruar shpesh si i pavërtetë, është “Protokollet i Pleqësisë së Sionit”, të cilat paraqesnin një plan të detajuar hebrenjsh për të komplot që synonte kontrollin e të gjithë botës. “Protokollet” u bënë dokumenti më i rëndësishëm në forcimin e ndjenjave antisemite në Gjermani dhe që u bënë shpejt shumë efektive edhe në Rusi. Në SHBA-të u popullarizuan nga një libër i Henry Ford, në një libër që më vonë u citua edhe nga Adolf Hitleri.

    Në SHBA në Luftën e Dytë Botërore u publikuan “Katër të Drejtat” nga Norman Rockwell, një dokument që synonte të motivonte amerikanët të luftonin për të ruajtur katër liritë bazë të dala në një fjalim të presidentit Franklin D. Roosvelt: Liria e fjalës, liria e besimit, liria nga varfëria dhe liria nga frika. Edhe filmi “Pse luftojmë ne”, prodhuar nga Frank Capra ishte gjithashtu një produkt propagandistik me ndikim.

    Në kohën tonë, filmi më i debatuar është ai i Michael Moore, Fahrenheit 9/11, një dokumentar propagandistik. Filmi i bazuar në fakte e bën atë të klasifikohet si dokumentar, por disa mbështetje shumë emocionale tregojnë se ai përdor edhe metodat bazë të propagandës.

    Fusha të ndërthurura me PR

    Ka shumë disiplina që kanë lidhje të ngushtë me Marrëdhëniet Publike. Kështu marketingu është i përqendruar në përpjekjet për të influencuar publikun për të blerë mallra dhe shërbime. Reklama është një mjet i rëndësishëm i marketerëve, por nuk është e vetmja. Ashtu si edhe në PR, eventet dhe takimet janë shumë të përdorshme dhe kur organizohen mirë, krijojnë përhapje të fjalës nga një njeri te tjetri në mënyrë të bollshme si dhe sigurojnë mbulim nga media e lirë, gjëra që janë të pamundura të kryhen me reklamat tradicionale.

    Gjuhësia është një lami’ e rëndësishme brenda Marrëdhënieve Publike. Vende të ndryshme, popuj të ndryshëm dhe madje edhe grupe shoqërore të ndryshme identifikohen pikë së pari përmes gjuhës dhe frazeologjive që përdorin. Gjuha ka kushtëzuar në një masë të madhe globalizimin e qasjeve të PR-it të koorporatave shumë-kombëvshe, sepse mesazhe të rëndësishme nuk përsiellen dot lehtë nga një gjuhë tek tjetra. Socio-linguistika është sot mjeti më i rëndësishëm në përpunimin e mesazheve të koorporuar, sidomos kur flitet për ndërhyrje rajonale, kontinentale apo edhe më të gjera në favor të një kompanie apo produkti.

    Kjo veçori ka forcuar nga ana tjetër praninë e shkencave të analizës brenda Marrëdhënieve Publike, si sociologjia dhe psikologjia, ndërsa sociologjia e kulturës është tashmë fjalë kyç për të kuptuar prirjet e një publiku të caktuar në drejtim të sjelljes së tij në treg.

    Marrëdhëniet publike nga ana e tyre garantojnë harmonizimin e interesave zhvillimore të një kompanie apo produkti në raport me mjedisin konsumator. Për këtë shkak, të gjitha shkencat që garantojnë këtë harmoni, si ekspertiza e mjedisit, analiza ekonomike makro-dhe-mikro, etj, janë pjesë e veprimit të relatorëve publikë.

    Industria sot
    Sipas Byrosë së SHBA-ve për Statistikat e Punës, ekspertët e Marrëdhënieve Publike kontrolluan 122 mijë vende pune në 1998, nga 485 mijë vetë që punojnë gjithsej në SHBA në sektorin e reklamave, marketingut dhe marrëdhënieve publike. Marrëdhëniet publike të sotme përdorin një numër të madh teknikash, përfshirë vrojtimet e opinionit publik dhe fokusimin në grupe për vlerësimin e opinionit. Ato përdorin mjete të teknologjisë së lartë për shpërndarjen e informacionit përfshirë linjat satelitore, mesazhet në internet, fakset apo bisedat telefonike të drejtpërdrejta për të kapur mbështetës për kauzat e klientëve të tyre.

    Mjetet dhe aftësitë e përdorura për të menaxhuar publikun janë zgjeruar. Dijet e njeriut që merret me PR mund të përfshijnë shkencat e komunikimit, psikologjisë, psikologjisë sociale, sociologjisë, shkencave politike, ekonomisë, principet e menaxhimit dhe etikën. Njohja e teknikave kërkon kërkimin në opinione, analizimin e çështjeve publike, marrëdhëniet me mediat, komunikimi me postë të thjeshtë apo elektronike, reklamat institucionale, publikimet, prodhimin audiovizual, organizimin e festave, ngjarjeve të shënuara, fjalimet dhe prezantimet.

    Megjithëse PR janë vlerësuar si stereotipi i shërbëtorit të korporatës, pothuajse çdo organizatë biznesi apo jo ka të nevojshme të punësojë minimalisht një specialist të marrëdhënieve publike. Organizatat e mëdha kanë zakonisht departamente komunikimi.

    Marrëdhëniet publike duhet të shihen si një funksion menaxherial në çdo organizatë. Një plan efektiv i marrëdhënieve publike i nevojitet çdo organizate qoftë për komunikim të brendshëm, ashtu edhe për komunikim të jashtëm.

    Çështjet kryesore që bëjnë pjesë në PR janë:
    - Menaxhimi i krizave
    - Menaxhimi i reputacionit
    - Menaxhimi i çështjeve
    - Marrëdhëniet me investuesit dhe marrëdhëniet e punës
    - Marrëdhëniet me punonjësit e nivelit të ulët (Marrëdhëniet e brendshme)

    Kompanitë e mëdha që ofrojnë shërbime të marrëdhënieve publike kanë sektorë të veçantë, ndërsa kompani më të vogla janë të përqendruara në vetëm pak fusha.
    Ato mund të jenë:
    - Marrëdhëniet publike për sektorin ushqimor
    - PR për industrinë e kujdesit shëndetësor
    - PR për Çështjet publike, etj
  2. Daniel H

    Daniel H Fillestar

    Re: Marredheniet Publike

    Çelesi per nje Marredhenie Publike te shkelqyer eshte kembengulja
    Paula Gardner

    Zakonisht me ka ndodhur te takoj biznese te cilat i kane mbeshtetur shpresat e tyre vetem mbi nje njoftim shtypi. Ata me tregojne se si i shperndajne me eksitim ato njoftime shtypi dhe me pas ndjejne zhgenjim nga deshtimi i plote, kur tamam diten tjeter ata nuk kane marre asnje telefon nga moria e gazetareve. Dhe me pas, te deziluzionuar, ata heqin dore nga aventura e tyre ne Marredheniet Publike dhe shkojne perpara ne ato çfare ata i konsiderojne taktika me te sigurta. Por ajo qe i ndan keto biznese nga firmat e suksesshme qe bejne perpara, eshte prania e vazhdueshme ose jo ne shtyp, kembengulja.
    Marredheniet Publike jane nje alternative afat-gjate dhe reagojne me ngulm ne me shume menyra se nje qasje e vetme.

    Dimensioni i Kohes
    Si nje ushtrim, shperthimet e rastit ne nje aktivitet frenetik do te kene nje efekt jo shume afatgjate. Çfare eshte e suksesshme ne PR eshte aktiviteti i rregullt, ne formatin e grafikut te Marredhenieve Publike. Hidhini nje sy planit tuaj javor te punes dhe gjeni se sa kohe ju i keni kushtuar Marredhenieve Publike. Nje mengjes apo nje mbasdite ne jave do ishte shume mire. Vendoseni ne ditarin tuaj dhe bejeni kete gje te shenjte. Nese ju nuk e shpenzoni dot kete kohe, gjeni çfare mund te shmangni apo delegoni ne menyre qe ta fitoni kete hapesire te lire.

    Eksperimentimi
    Nje njoftim per shtyp nuk mund te beje nje fushate ne Marredhenie Publike. Ju keni nevoje te publikoni diçka ne media te pakten çdo muaj. Ndonje here keto komunikime do te zhduken ne eter, here te tjera do te ngelen.
    Postimet e rregullta ne drejtim te shtypit sigurojne qe emri juaj te fiksohet ne mendjen edhe ne blloqet e tyre te kontakteve, si dhe ju lejon ju te eksperimentoni ne menyra te ndryshme ne te shkruarin dhe prezantimin e njoftimeve per shtyp.

    Ngritja e Marredhenieve
    Pjesa me e rendesishme e strategjise se Marredhenieve Publike eshte krijimi i lidhjeve me gazetare dhe botues. Ka gjasa qe ky proces i berjes miq dhe krijimi i rrjetit per kontaktet e biznesit te kerkoje takt dhe kohe. Nuk eshte fjala qe ju te versuleni per ta bere kete gje, por me miresi ngrini besim dhe respekt.

    Te llogaritet qe fushata te arrije publikun
    Te shohesh kompanine tuaj te mbuluar nga shtypi eshte jashtezakonisht e deshirueshme dhe e kenaqshme. Kjo mund t’ju ndihmoje ne sjelljen e kerkesave, klienteve dhe rritjen e shitjeve, por perfitimi i vertete vjen me mbulimin e vazhdueshem ne terma afatgjate, qe e paraqet kompanine tuaj me vendosmeri ne syrin e publikut dhe krijon nje marke te mirenjohur, marken tuaj.
    Duke punuar me kliente per nje kohe te gjate mbi programet e Akademise se Marredhenieve Publike une kam vene re qe gjithe fillestaret vazhdonin te mberthenin kollona ne gazetat kombetare, te intervistoheshin per revistat mujore dhe te shfaqeshin ne televizionet kombetare. Nje pjese kyç e programit eshte marrja parasysh e klientit- se pari per veten tuaj. Ndermerreni kete veprim me fushaten tuaj, per me teper skiconi qellimet dhe progreset tuaja ne nje ditar apo liber shenimesh si t’ju vije per mbare, ose behuni partner me nje biznes tjeter dhe ndajeni procesin mes jush. Kjo ndihmon per ta mbajtur lart stimulin dhe motivimin tuaj ne kohen kur keto fillojne te humbasin per shkak te shperqendrimeve te perditshme qe te jep biznesi.
    Nje menyre e mrekullueshme eshte te ndani dhe te festoni sukseset e Marredhenieve Publike me te gjithe ata qe ju kane mbeshtetur dhe ju kane brohoritur gjate rruges suaj.


    P.S Materiali i marre nga faqja e Institutit Shqiptar te Marredhenieve Publike
  3. capuni

    capuni Fillestar

    Re: Marredheniet Publike

    Tani qe e kuptojm ne nivelin makro se si funksionjne mardheniet publike, do te ishte shume interesante te lexonim disa situata reale ne Shqiperi ku mardheniet publike kane luajtur nje rol te rendesishem ose mund te luajne nje rol te rendesishem. ..besoj se situata te tilla duhet te kete me shumice.
  4. capuni

    capuni Fillestar

    Re: Marredheniet Publike

    o EBM-je na shkruj nai gjo per PR-in n'shqipri se m'duket e paske nda mendjen me na lon me vdek injoranta! /pf/images/graemlins/laugh.gif
  5. komino

    komino Anëtar aktiv

    Re: Marredheniet Publike

    edhe une do kisha interes te lexoja ndonje informacion te tille.
  6. Daniel H

    Daniel H Fillestar

    Re: Marredheniet Publike

    Nje menyre si nuk behet Manaxhimi i Krizes…

    Nga Alban Bala

    Ekspertet e PR-it ne Shqiperi paten rastin kete jave te shohin nje ngjarje jo te zakonte per tregjet nacionale: sulmin e nje grupi shoqatash ndaj dy kompanive kryesore te telefonise celulare ne Shqiperi, AMC dhe Vodafone, te cilat akuzohen tashme prej disa muajsh se kane vendosur ne Shqiperi nje sistem tarifash disa here me te larta se ne vende te tjera te rajonit.

    Per çudine e te gjithe specialisteve te PR-it askush nuk doli nga keto kompani qofte edhe per te bere nje koment mbi sulmin, i cili u kerkonte konsumatoreve ndeshkimin e kompanive me mosperdorim te sherbimit.

    Organizatat jo qeveritare qe u perfshine ne kete ngjarje perdoren te gjitha mjetet e mundshme- deri edhe advertising- per te siguruar perfshirjen sa me te gjere te publikut ne kete aksion civil, aq sa nje miku im biznesmen thoshte me pas duke qeshur se reklamat e AMC-se apo Vodafone-it tani me shume i kujtonin thirrjen per te fikur celularin, sesa ftesen per ta perdorur ate.

    Por AMC dhe Vodafone e percollen teresisht ne heshtje kete situate, brenda te njejtes llogjike qe kishte shperfaqur me heret edhe nje show-girl e keqtrajtuar publikisht, kur nje xhirim privat erotik i saj u shpernda ne media. “Çudia me e madhe tre dite zgjat! Te katerten harrohet!”. Por a harrohet vertet?

    Vazhdimin e gjeni tek faqja e Institutit Shqiptar te Marredhenieve Publike
    http://www.albpr.org/g-news/modules.php?name=News&file=article&sid=201
  7. pinkparadise

    pinkparadise Anëtar aktiv

    Re: Marredheniet Publike

    Ketu duket vertet cilesia e mardhenjeve publike ne shqiperi,
    sinqerisht,
    shoqeri te medhaja, dhe vertet qe rrespektohen, nuk veprojne ne kete menyre qe "ta han turpin me buk"duke shpresuar qe "çudia me e madhe te zgjas vetem 3 dite" edhe keto gjera ndodhin vetem ne Shqiperi.

    Sikur Vondafon te kishte bere te njejten gje ne nje vend me te rendesishem, sot ky manipulim do ti kishte kushtuar shume shume shtrenjte, dhe jo vetem ne €€€€€€€€€€€€€ por mbi te gjitha ne "reputacionin e vyer" qe kan dhe gjithashtu ne Credibilitetin e tyre.
    Fatkeqesisht, behet fjale per shqiperi.

    Nje rast i till ishte para disa kohesh ne France, ku 3 monopulizuesit e rrjetit telefonik Orange, Bouygue, dhe SFR (sa per info Sfr=vodafon) u zbuluan qe kishin bere marveshje te fshehta midis tyre per ti barazuar çmimet (alignement sur les memes prix) kur kjo u zbulua, sigurisht qe pati nje proçes gjyqesor, qe u ndoq nga nje gjobe shume e madhe, por jo vetem ne site te ndryshme ne internet mund te gjenim shoqatat te cilat jepnin ndihme per rikthimin e shumave te farurave te paguara.

    Gjithsesi per tju rikthyer temes, nje shoqeri kursesi nuk duhet te anashkaloj responsabilitetet,dhe detyrimet ndaj klientit, PR eshte proçesi qe ben lidhjen midis Shoqeris dhe Klientit, nese PR eshte vertet i mire dhe efikas atehere çdo krize apo problem minimum mund te mos ndryshoj asgje per kete shoqeri nga ana financjare,maksimum gjithshka kthehet ne avantazh.

    Nuk e di nese ju kujtohet, para disa vitesh, problemi qe kishin pasur Coca Cola, ne disa vende te evropes, disa miliona shishe coca-cola ishin me probleme, dhe duhej patjeter te mos konsumoheshin dhe te ktheheshin mbrapsht ke fabrikusi.
    Puna e shkelqyer e PR, menyra se si ata dolen nga situata (duke ditur qe ishin duke luajtur rendshem, sepse nqse vodafon dhe amc futen ke sherbimet e qefit, coca-cola futet ke ana "vitale dhe shendetesore", gje qe do te thot se problemi ishte shume me i thell dhe i rende) dhe jo vetem, por e kthyen ne nje avantazh, duke i bere nje publicitet menyres se si ata ishin te kujdesshem ndaj klienteve te tyre.
    Jo vetem qe klientet vazhduan te blenin, por biles numri i ketyre konsumatoreve u rrit.

    Dhe kjo e Coca-Coles eshte nje PR i shkelqyer,
    te mos japesh shenje jete si Amc dhe Vodafone me duket shum e ulet per thjesht faktin qe jan shoqeri te medhaja dhe te rendesishme, per te mos shtuar pergjejsin dhe respektin ndaj klienteve te tyre.
  8. MLK

    MLK Fillestar

    Re: Marredheniet Publike

    Pink e ke gabim kur thua se Coca Cola jo vetem nuk kishte pasoja por rriti shitjet pas skandalit te perberjeve toksike qe ndodheshin ne kanoçet e saj.
    Coca Cola Evrope nuk ka arritur edhe sot pas 4 vitesh nivelin e shitjeve qe ishin te sajat para 4 vitesh.
    Gjithmone kur ka skandale te tilla, imazhi i markes degradohet e rrjedhimisht besimi qe konsumatori ka te kompania zvogelohet ne funksion te skandalit.
    Edhe ne Shqiperi, dhe pse kompanite e telefonise celulare nuk kane reaguar zyrtarisht kjo nuk do te thote se ska strategji per relacionet publike.
    Ne rastin konkret ato jane munduar te shuajne debatin e polemikat neper media, ne menyre qe ky aksion te jete sa me pak mediatik. Pra dhe heshtja ben pjese ne menyren e komunikimit.
    Gjithesesi une mendoj se imazhi i tyre eshte degraduar se tepermi dhe te gjithe e thone hapur se vidhen prej kompanive celulare ne Shqiperi, gje qe nuk ndodh ne France ku ti jeton /pf/images/graemlins/wink.gif
  9. pinkparadise

    pinkparadise Anëtar aktiv

    Re: Marredheniet Publike

    kriza e coca-coles filloi ne maj 1999, shifrat e me poshteme jane shifrat zyrtare te firmes, flasin vet me duket, NO COMMENT atehere /pf/images/graemlins/laugh.gif
    [​IMG]
    [​IMG]
  10. Daniel H

    Daniel H Fillestar

    Re: Marredheniet Publike

    MLK ky eshte edhe qellimi i artikullit, qe te nxjerr ne pah kete strategji qe kane keto kompani per marredheniet publike. Kjo ishte nje situate serioze ku i gjithe opinioni negativ ishte perqendruar ne keto 2 kompani, por asnje prej personave te PR te kompanise nuk doli te mbronte kompanine si dhe te qetesonte konsumatoret e saj. Me pak fjale kompanite nuk kane pas nje strategji per manaxhimin e krizes. Vertete ato ende s'e ndjejne peshen e opinionit negativ qe eshte krijuar ne kurriz te tyre, por neqoftese futet nje kompani e trete qe te luaje vertete sipas rregullave te konkurences, te jesh i sigurte se sa aktive do behen keto kompani per te fituar ate konsumatore qe tashme e trajton si lope per ta mjele.
  11. dimir

    dimir Anëtar

    Re: Marredheniet Publike

    "Pra dhe heshtja ben pjese ne menyren e komunikimit" /pf/images/graemlins/thumbsup.gif
    dhe nganjhere eshte shume me e vlefshme ne "PR".
    Heshtja eshte flori. /pf/images/graemlins/booki.gif
  12. ujku81

    ujku81 Fillestar

    Re: Marredheniet Publike

    ...dhe çudia me e madhe 3 dite zgjat. /pf/images/graemlins/laugh.gif
  13. Daniel H

    Daniel H Fillestar

    Re: Marredheniet Publike

    Nejse ne Shqiperi mund te duket mese normale kjo situate si dhe heshtja e kompanise, sepse na eshte regjur lekura nga keto lloj trajtimesh, por ne psikozen e konsumatorit krijohen rekorde negative te pariparueshme.
    Sado te perpiqet Inisi te rregulloj imazhin, e ka te pamundur te rikthehet ajo qe ka qene para publikimit te videos. Nuk po them qe Inisi ka qene ndonje dive e artit shqiptar dhe t'i bej paragon me rastin ne fjale te telefonise, por thjesht per te kuptuar rendesine e imazhit.
    Imazhi eshte dicka qe ndertohet me shume mund pergjate viteve, por qe mund ta humbasesh pergjithmone ne nje moment te vetem.
  14. MLK

    MLK Fillestar

    Re: Marredheniet Publike

    </font><blockquote><font class="small">Citim:</font><hr />
    kriza e coca-coles filloi ne maj 1999, shifrat e me poshteme jane shifrat zyrtare te firmes, flasin vet me duket, NO COMMENT atehere /pf/images/graemlins/laugh.gif
    [​IMG]
    [​IMG]

    [/ QUOTE ]

    Pink ne shifrat qe ti sjell, jane shifrat e ergjitheshme te Coca Cola e jo ato te Coca Cola Belgjike ku ndodhi ngjarja.
    Se dyti ne shifrat qe ti sjell nuk merren parasysh blerje te kompanive te ndryshme nga Coca Cola gjate ketyre 6 viteve, pra rritja eshte rritje e xhiros vjetore organike apo rritje nepermjet blerjeve te kompanive te tjera.
    Nejse keto jane jashte teme ketu po ti solla thjesht per sqarim /pf/images/graemlins/laugh.gif
  15. dimir

    dimir Anëtar

    Re: Marredheniet Publike

    /pf/images/graemlins/tipsy.gif Imazhi si Puna e Virgjerise!
  16. pinkparadise

    pinkparadise Anëtar aktiv

    Re: Marredheniet Publike

    MLk, imazhi i nje marke nuk ngelet vetem ne nje shtet dhe vetem brenda kufirit perderisa kompania ne fjal eshte nje lider boteror,
    keshtu qe problemi te jet vetem ne evrope apo ne nje tjeter kontinent, kompania eshte po ajo, dhe nuk behet fjal per nje kompani regionale, por per nje internacjonale,
    gjithsesi neser do mundohem te te sjell shifra /pf/images/graemlins/laugh.gif
  17. alinos

    alinos Administrator

    Re: Marredheniet Publike

    </font><blockquote><font class="small">Citim:</font><hr />
    /pf/images/graemlins/tipsy.gif Imazhi si Puna e Virgjerise!

    [/ QUOTE ]

    Imazhi s'eshte asgje, etja eshte gjithcka. Por a nuk ishte kjo 7UP?
  18. capuni

    capuni Fillestar

    Re: Marredheniet Publike

    </font><blockquote><font class="small">Citim:</font><hr />

    Imazhi s'eshte asgje, etja eshte gjithcka. Por a nuk ishte kjo 7UP?

    [/ QUOTE ]


    ...edhe 7up imazh po shet me kete rast.
  19. Daniel H

    Daniel H Fillestar

    Re: Marredheniet Publike

    Çfare eshte Marredhenia Publike?
    Eshte nje fenomen natyror
    Robert A. Kelly

    Cfare tjeter ju mund ta quani nje disipline njerezore, natyra e se ciles vendosmerisht eshte e rrenjosur ne principet qe, njerezit veprojne sipas perceptimit te fakteve, me pas krijojne, ndryshojne dhe perforcojne opinionin publik duke takuar, bindur dhe nxitur drejt aksionit shume njerez, sjelljet e te cileve ndikojne tek organizata?

    Une e quaj marredhenie publike dhe qarte nje fenomen natyror.
    Ne fakt une besoj se eshte kushti paraprak i marredhenieve publike. Vecanerisht kur ajo lidhet me mbijetesen teresore te organizates, duke i shnderruar suksesshem perceptimet dhe prej ketu, sjelljet e grupeve te caktuara te njerezve, element i rendesishem per suksesin e kompanise.

    Sepse marredheniet publike jane te percaktuara zakonisht nga cfare njerezit mendojne rreth nje sere faktesh qe gjenden perballe te vertetes se ceshtjes, dhe qe na keshillojne me se miri te fokusohemi mbi keto premisa themelore.

    A mos ndoshta ajo kthehet ne me pak se nje fenomen nderkohe qe aplikon magjine e saj ne boten reale?

    Jo. Me sakte eshte shkalla e ndryshimit te sjelljes njerezore qe shkatohet permes planifikimit cilesor , ajo qe percakton suksesin apo deshtimin e nje programi te marredhenieve publike.

    Ne eksperiencen time ekziston nje pajtueshmeri e plote qe njerezit me te vertete veprojne mbi perceptimet e tyre rreth fakteve dhe menyra se si ata reagojne mbi keto fakte, aktualisht ndikon ne sjelljet e tyre.

    Per mua, te kuptuarit individual i ketyre fakteve duhet te jete nje proces i vazhdueshem informimi mbi sjelljet e njerezve, nese keto ndihmojne ne arritjen e qellimeve dhe objektivave te organizates.

    Nje strategji marredheniesh publike, e kombinuar me taktika komunikimi efektive, ju udheheq direkt per ne vijen e finishit, pra ne perceptime te ndryshuara, sjellje te modifikuara, klient/sipermarres te kenaqur. Me fjale te tjera, kur keto ndryshime ne perceptim dhe sjellje qartesisht ndeshin qellimin origjinal te vene ne fillim te programit per modifikim te sjelljeve, atehere perpjekja e marredhenieve publike mund te konsiderohet e suksesshme.

    Keshtu qe, cfare vjen e para? Une besoj se perceptimi individual i fakteve eshte drita udheheqese per tek ndryshimi sjellor dhe qe dicka mund te jete bere rreth ketyre perceptimeve.

    Ndaj, cfare vjen si fillim? Une besoj se pranimi i idese qe perceptimi individual i fakteve eshte drita orientuese drejt ndyshimeve se menyres se te sjellurit, dhe se mund te behet dikca rreth ketyre perceprimeve. Nderkohe qe asnje njeri nuk e pranon kete, mund te them se faktikisht kjo me ka ndihmuar ti jap forme karrieres sime ne mardhenie me publikun.

    Pyesja veten pak kohe me pare, gjithsesi pse jam duke punuar ne marredhenie publike? Pergjigja qe mora thjesht forcoi bindjet e mia. Mos ndoshta ishte se une duhet te krijoja publicitet per sipermarresit e mi ose klientet? Shpesh here po, por e kuptova qe ai ishte thjesht nje hap i perkoheshem i cili eshte krijuar per t’i pershtatur perceptimet dhe menyren e te sjellurit te audiences se perzgjedhur. E njejta pergjigje perdoret ne çdo taktike si per krijimin e eventeve interesante, per dhenien e pergjigjeve efektive ndaj krizave dhe ceshtjeve publike paksa delikate ashtu si dhe per menaxhimin e marredhenieve te investitoreve ose paraqitjen e dikutimeve te rendesishme.

    Po, keto lloj taktikash jane hallka shume te rendesishme per sekuencen e zgjidhjes se problemeve ne mardhenie publike, por gjithsesi vetem si nje hap i perkoheshem i krijuar per t’i pershtatur perceptimet dhe menyren e te sjellurit te audiences se perzgjedhur.

    Fakti qendron se, asnje organizate- biznes, sektor publik ose jo fitimprures - nuk mund te kete sukses ne ditet e sotme ne qofte se sjelljet e audiences se tij me te rendesishme nuk jane ne sintoni me objektivat e organizates. Kjo do te thote se profesionistet e marredhenieve publike duhet te pershtasin sjelljen e dikujt ne qofte se ata jane aty per te ndihmuan ne permbushjen e synimeve te sipermarresit/klientit dhe per te fituar edhe nje pagese. Gjithçka te drejton drejt ketij perfundimi.

    Ne momentin qe karakteristikat e fenomenit natyror te mardhenieve publike jane kuptuar, jane nje seri veprimesh qe fillojne te shfaqen si:

    -Indentifikimi i problemit
    -Identifikimi i audiences se perzgjedhur
    -Caktimi i qellimeve te marredhenieve publike
    -Pergatitja e mesazheve bindese
    -Perzgjedhja dhe zbatimi i taktikave kyçe te komunikimit
    -Monitorimi i progresit
    -Dhe guri i fundit? Arritja e synimit te sjelljes se modifikuar

    Dhe ne marrim nje bonus ne kete rast sepse jemi duke perdorur nje standart pothuasje perfekt te performances se marredhenies publike. Me kete dua te them se si ju mund te matni rezultatin e nje aktiveteti me me kujdes se sa kur ju fare mire e arrini synimin e percaktuar ne fillim e atij aktiviteti? Ju nuk mundeni. Eshte sukses i paster.

    Patjeter, per aq kohe qe ne zhvillojme ate aktivitet taktik te pershtatur, jemi duke ushqyer ne kete menyre mardhenien midis audiences sone se perzgjedhur dhe sipermarresit/klientit te bisnesit duke lustuar ne kete menyre reputacionin e organizates, sherbimin dhe produktin te saj.Ne do te bejme me te miren e mundshme qe ta bindim audiencen tone te perzgjedhur te bej ate qe sipermarresi/klienti yne deshiron qe ajo te bej. Dhe nderkohe qe kerkojme mirekuptim dhe pranim publik per ate sipermarres/klient, ne duhet te sigurohemi qe aktiviteti ne te cilin marrim pjese jo vetem qe eshte ne perputhje me ligjin, por ne menyre te dukshme i sherben interesave publike.Me pas ne do te nxjerrim cdo taktike te mundshme per ti hedhur ata individe ne veprim. Dhe ne kete rast sipermarresi/klienti yne do te jete i kenaqur qe ne i kemi sjell gjerat deri ketu.

    Por kur sipermarresi/klienti yne do jete plotesisht i kenaqur me rezultatet e prodhuara te mardhenies publike? Vetem kur perpjektet tona per te “arritur, bindur, dhe hedhur ne veprim” kane sjell si perfundim modifikimin e deshiruar dhe te dukshem ne sjellen e audiences se perzgjedhur mbi te cilen ne dhe ata duam te ndikojme

    Sipas kendveshtrimit tim, kjo eshte nje premise thelbesore e nje fenomeni public te ashtu quajtur mardhenie publike dhe konteksti strategjik ne te cilin ne duhet te veprojme.

    Shkrimi eshte marre nga faqja e ISHMP-se www.albpr.org
  20. Daniel H

    Daniel H Fillestar

    Re: Marredheniet Publike

    Marredheniet Publike Etike: Jo “Heshtje para Stuhise”

    Nga Prof.Dr.Steven R.Van Hook
    Departamenti i Marredhenieve Publike (MP) eshte shpesh zemra e etikes se nje organizate. Komunikimet e brendshme dhe te jashtme te MP kontrollojne rrjedhen e lajmeve te mira dhe keqija per stafin dhe komunitetin. Skuadra e MP perballet me krizat e kompanise. Profesionistet e PR-it ulen ne krahe te drejtuesve kryesore te kompanise dhe hartojne “mission statement” te kompanise, strategjite dhe vizionin e saj.
    Njerezit e MP shfaqen ne spote – nese jo per te percaktuar moralitetin e nje drejtimi, te pakten per te ndihmuar ne parashikimin e rezultateve te rastesishme. Per fat te mire ka mjete shume te cmuara qe na ndihmojne te gjejme rrugen tone.
    Ne mund te zhytemi ne pishina te mendimeve etike sikurse Bentham, Kant, Rawls and Machiavelli. Teorite etike enden prej Utilitarizmit ("E mira me e madhe per shumicen”) deri tek Deontologjia ("Bej cfare eshte e drejte, pavaresisht se bota e ka nje fund”).
    Ose, per te qene me te sakte, ne mund te ekzaminojme kodet e standarteve permes esnafeve te marredhenieve publike si IABC. Ne shkalle globale, ekziston Kod Sjelljesh i Shoqates Nderkombetare te Marredhenieve Publike e pershtatur ne Venecia ne 1961.
    Projekti CSEP permbledh 850 kode te etikave te zgjedhura nga shoqatat profesionale, korporatat, qeveria dhe institucionet akademike.
    Ne te gjitha shkollat e etikes dhe sjelljes gjenden disa lidhje unike.
    Per shembull: Mos genje asnjehere. Nje gje qe kemi mesuar mire ne dekadat e fundit eshte se fshehja e se vertetes shpesh ngjall me teper zemerim se sa sulmi i pare. Madje dhe te pushtetshmit me te medhenj me te gjithe levat e pushtetit te tyre nuk mund te vendosin kapak mbi nje sekret qe eshte duke u derdhur nga ena.
    Shume njerez i perceptojne marrdheniet publike si dicka me te vogel se strategjite e zgjuara dhe te respektueshme qe bindin publikun per cfare eshte e gabuar dhe cfare eshte e drejte. Disa i shohin profesionistet e marredhenieve publike si manipulatore te mendjeve te publikut, me sakte se sa transmetues te se vertetes.
    Kjo eshte asyeja me e mundshme qe shume prej kodeve te sjelljes, vecanarisht ato qe i perkasin profesionit te MP, e vene theksin me teper tek ndershmeria se cdo gje tjeter. Gjithashtu shpesh sjellja jone bie ndesh me kodin. Mendoni zevendesues per te verteten. Zevendesues perceptimi per realitetin.
    Krijimi i hijeve eshte problem delikat. Argumentat jane te nxehte. Mbeshtetesit jane te izoluar. Por ajo ka vlere si per pikturat e medha dhe per vijat fundore.
    Teologet e thone kete. Po keshtu dhe fizikanet. Madje dhe audituesit vengerosh tashme e bejne ate. Ne sistemet tona te nderlidhura, cdo gje qe ndodh ka rendesi per gjithcka tjeter. Cfare ne jemi eshte e kunderta e vendimeve ditore, mendimeve dhe veprimeve, te medha dhe te vogla. Si nje shkrimtar biznesi John Ellis thote, “E verteta ka rendesi. Genjeshtrat kane rendesi, Vlerat kane rendesi. Ju mesoni per kompanine Dilbert minuten qe ju shkelni ne te. Punonjesit e kompanise Dilbert e dine ekzastesisht pandershmerine e korporates.”
    Etikat e nje organizate rrjedhin nga lart poshte dhe kthehen mbrapsh perseri dhe pershkohen permes mentalitetit te kompanise. Nje i huaj nga rruga mund ta nuhase ate pikerisht ne momentin qe hyn ne dere. Asgje nuk eshte e fshehte, vecanerisht ne kete epoke te mbarelidhjes ku lajmet –sidomos te keqijat – vershojne ne nje moment te vetem.
    Keto probleme duhet te shqetesojne profesionistet e devotshem te Marredhenieve Publike.

    Vazhdimi ketu:
    http://www.albpr.org/g-news/modules.php?name=News&amp;file=article&amp;sid=223

Share This Page