poezia shqipe

Diskutime tek 'Letërsia' filluar nga guest17, 21 Mar 2017.

  1. guest17

    guest17 Forumium praecox

    Nje vajze

    Ne fillim,macja dhe miu,
    Me nje djalë,lozje ti,
    Gjersa në dorë të shtiu..
    Pastaj,me ty lozte ai!
     
    Last edited: 21 Mar 2017
  2. guest17

    guest17 Forumium praecox

    Po jetojmë,një kohë të egër,
    Rrethuar nga tym edhe zjarr,
    Endemi vërdallë,si të verbër,
    S'dimë qysh jeta do na marrë..

    Dhe kërkojmë,më kot,një shteg,
    Që të dalim,prej këndej,
    Ç'jetë është kjo,që na mban peng?
    Terr e mjegull,gjithandej...
     
    Airbourne and TinkerBell like this.
  3. guest17

    guest17 Forumium praecox

    Lozonjarja

    Ty,moj,lozonjare!
    Me sytë,porsi zjarre,
    Të mendoj përditë,
    Të kam yll,në shpirt..!

    Ah,moj,lozonjare!
    E keqe,je fare,
    Unë që për ty vdes,
    Me fshin,si me fshesë!
     
    TinkerBell likes this.
  4. guest17

    guest17 Forumium praecox

    Poezi nga vaso dushi

    . ***
    Tërë qyteti duket gri,
    Era retë,merr me vete,
    Rrugët zbrazur,pa njeri,
    Drurët anash,si skelete...

    Dhe më bën të ndihem keq,
    Jetë e zymtë,ngjyrë hiri,
    Ku çdo shpresë,si për dreq,
    Shuhet,si flakë qiriri...

    . ***
    Një kaçurelse pata,
    Dikur mike të vjetër,
    Tani ne shtrat,më zë nata,
    Me një kaçurelse tjetër..

    Dhe shpesh,mendja më ngel..
    Rastësi është apo çfarë?
    Që ato flokë kaçurelë,
    I kam dashur,si i marrë?!

    Një kaçurelse pata,
    Dikur ne zemrën time,
    Tani,me tjetër ,më zë nata,
    Me flokë,plot dallgëzime!

    . ***
    Ja,një çift, në të fshehtë,
    Poshtë pemës,nën kurorë,
    Seç bluajnë,ne sekret,
    Të kapur,dorë më dorë!

    Gjethet veshët hapin fort,
    Të dëgjojnë,ndonjë fjalë,
    Gënjeshtër,mashtrim i ndotë,
    Apo dashuri është vallë?

    Zogu këngën pret në mes,
    Si me turp,si me faj...
    Ajo vajzë,e pabesë,
    Tradhtonte mikun e saj!

    . ***
    Ç'ditë e bukur,për çudi,
    Pas shiut,mjegullës si tym,
    Paqja nderet,si shami,
    Ajri që të mbush me frymë..

    Dhe ç'më ngjall një gaz ,një shpresë,
    Jetë e ëmbël,paqësore...
    Ndoshta ishe e pabesë,
    Por tani ngjan një shenjtore!
     
    TinkerBell likes this.
  5. guest17

    guest17 Forumium praecox

    Mbi supe,flokët e rëna,
    Sytë,si yje,me shkëlqim,
    Tu afrova:"mirëmbrëma!
    Mund t'ju ftoj diçka të pimë?"

    Dhe gjaku sërish si lumë,
    Më vërshoi me rrëmbim,
    Sa e sa herë,u dogja unë,
    Por s'paska zemra shërim!

    Zemra qenka kaq kokëfortë,
    Dhimbjet i haroka shpejt,
    Për të dashur,erdhi në botë,
    Në dashuri,do shkrihet krejt!

    Pra,si thua vajzë,pranon?
    Të pimë diçka,ta marrim shtruar!
    Por dhe po s'deshe,s'më lëndon,
    Boll në jetë,jam lënduar...!

    Vaso Dushi
     
    Artin and TinkerBell like this.
  6. guest17

    guest17 Forumium praecox

    Hera e parë

    Një mbrëmje po më prisje,
    Buzë rrugës,në një cep,
    E druajtur vërtisje,
    Një palë çelësa në xhep...

    "Hajde-më the-të shkojmë,
    Në shtëpi të shoqes sime,
    Atje bashkë të kalojmë,
    Sonte natën,zemra ime!"

    Një dridhje e ëmbël mjaltë,
    Ç'më përshkoi deje e gjak..
    Ah,u bëfsha dhè e baltë,
    Kur mos ndizem,kështu flakë!!

    Me ato çelësa të vyer,
    Hymë në një dhomë..ç'magji!
    Pasioni, dritare e dyer,
    Shpërtheu si lumë,me furi..

    Të hodha mbi shtrat.."avash!
    Të lutem,avash!.."-the sërish,
    N'errësirë,mbi ty unë rrashë,
    Mishin tënd ndjeva nën mish!

    Të putha buzë edhe gjinj,
    Zemra hidhej,kalë pa frè,
    U dogjëm në zjarr,si qirinj,
    Ç'zjarr më të madh,ka mbi dhè!?

    Mëngjezi na erdhi me diell,
    Ç'fshehu nata,u vesh me flori,
    Ju falem o dritë,o qiell,
    Për ç'mike më dhatë në gji..!

    Vaso Dushi
     
  7. guest17

    guest17 Forumium praecox

    ***

    Zemra jote,ku ta dish,
    Për kë digjet,kë kërkon?
    Unë pres,më kot,të vish,
    Të heq zjarrin,që të mbulon.

    Porsi një zog,pa fole,
    Pres e tretem, në vetmi..
    Asnjë zemër,s'mu bë strehë,
    S'më dha kurrkush dashuri..
     
    Last edited: 28 Apr 2017
    TinkerBell likes this.
  8. guest17

    guest17 Forumium praecox

    Ç'lule të bukura mblodhe,
    Një ditë maji në lëndinë..
    Mbi prehër pastaj mu hodhe,
    Një lule më dhe për kujtim..!

    Lulen akoma mbaj në dhomë,
    Që më fali dorë e saj!
    E freskët më duket,e njomë,
    Jetë merr në çdo maj..

    Vaso dushi
     
  9. Airbourne

    Airbourne Papirus rex

    S´i kam dashur kurre gjerat e bujshme
    Dhe shpesh jam menduar duhan duke pire;
    Ka gjera lakuriqe qe sjane te turpshme,
    Sic ka dhe gjera te cndershme te veshura mire.

    Ja,e verteta rri lakuriqe ngahere,
    Ja,dhe genjeshtra me petka rri veshur!
    Me thoni:cila ka turpin dhe cila ka ndere?
    Kjo qe ju thashe s´ka gje
    per te qeshur!

    DRITEROI Agolli.

    PS: Agolli krijoi poezinë e un-it, përkundër poezisë së ne-ve, që shkruhej ..............për të bashkuar masat!!!
    Pra i VECANTE ne realizmin socialist.
     
    TinkerBell likes this.
  10. guest17

    guest17 Forumium praecox

    Është më i mirë dritëroi,
    Apo ndonjë poet tjetër?
    Ja tani mëndja më shkoi,
    Edhe tek një mik i vjetër:jorgo bllaci!!

    Më pëlqejnë që të dy..bravi!
     
  11. guest17

    guest17 Forumium praecox

    Të pijmë shok,një gotë verë,
    Pa u dehur,dhe pa sharrë,
    Këtë jetë,kaq të mjerë,
    Që dhe shpirtin,na ka vrarë..!

    Të pijmë shok,pa mërzi,
    Pa i vrenjtur dhe turinjtë,
    Kjo jetë shkoi,edhe tashti,
    Çfarë na pret,neve të zinjtë?!
     
    Airbourne and Hope like this.
  12. guest17

    guest17 Forumium praecox

    Tek ti,më shpinte mendimi,
    Dhe kujtimet,vinin varg varg,
    Kur skuqte si flakë perëndimi,
    Dhe dielli shuhej pak nga pak!

    Kështu dhe ti,do më braktisje,
    Që ishe dielli im në jetë,
    Pak nga pak do të rrëshqisje,
    Nga duart do më shkoje krejt!

    Por i penduar ,në mëngjes,
    Dielli do të kthehet përsëri,
    Sa mëngjeze,që unë të pres?
    S'u pendove,as u ktheve ti!
     
    Last edited: 12 May 2017
    Hope and TinkerBell like this.
  13. guest17

    guest17 Forumium praecox

    Të zhvesha unë,të tërë,
    U skuqe ti,u turpërove!
    Dhe fike dritën menjëherë,
    Në shtrat u hodhe,u mbulove..

    Kur tu afrova,më the"jo",
    Nuk deshe të humbje nderë!?
    Por sa çudi!zëri tu ftoh:
    "kam pasur unë të tjerë.."!

    Ishe çupë e njomë shumë,
    Kur ta moren vajzërinë?
    Kush ishte ai fatlum?
    I pari,që ta shijoi freskinë?

    Sa ke joshur,siç më josh,
    në sa prehra,ti u ule?
    Ç'kërkon,në këtë jetë bosh
    Ti që bredh, lule më lule?

    Me ty natën e kalova,
    U shua flaka,hi u bë,
    Se ç'kërkoje,e kuptova,
    Ika, e s'u ktheva më!

    V.dushi
     
    Last edited: 21 May 2017
  14. guest17

    guest17 Forumium praecox

    Mbaj mënd njëherë një vajzë,
    Me një djalë kaloi një natë,
    Iu vërvitën shoqet,si tallaz,
    E shanë,e i hodhën baltë!

    E quajtën të ligë,me kokën bosh
    Të pacipë,e bishtpërdredhur..
    Villte vrer njëra,sidomos
    Që s'kish lënë djalë,pa bredhur!

    Njërës për keq,i nxorrën nam,
    Veç për një natë të mallkuar..
    Tjetra,pa din e pa iman
    Mbahej akoma për E NDERUAR!

    Mu kujtua sot kjo histori,
    Kur dikush'u krodh' dhe u mbyt!
    Po pse nuk mbyten kurrsesi,
    Ata..'te kredhurit'gjer në fyt?
     
  15. guest17

    guest17 Forumium praecox

    Njerëzit
    Po të thosha:"bota është plot idiotë"
    Të gjithë do pohonin:"ashtu vërtet!"
    S'është përgjigjur njeri gjer më sot:
    "ç'mëkat!ashtu jam dhe unë vetë!"

    Mos prit,njerëzit të të kuptojnë!
    S'kuptojnë ata,veten e tyre.. !
    Të japin mënd,nëse kërkojnë
    Qeshi ti,para fytyre!

    Buzëqeshi ti jetës,pa qeder
    Edhe pse gjërrat,shkojnë për keq
    Këta janë njerzit!Flakë mos merr
    As i ndryshon dot e as i ndreq!

    Ndonjë barkë,ka frikë,në lundroftë
    Se dallga i hidhet,ta fusë nen kthetër
    I thellë shumë a i cekët qoftë,
    Tru i njeriut,të tremb më tepër!

    Vaso dushi
     
    TinkerBell likes this.
  16. guest17

    guest17 Forumium praecox

    Të njoh vajza me kulturë,
    Përhere kënaqësi më sjell,
    Dhe pse s'të kam parë kurrë,
    E bukur do të jesh,si diell...tinkerbell
     
    Airbourne and TinkerBell like this.
  17. TinkerBell

    TinkerBell Papirus rex

    Kjo më pëlqeu akoma më shumë, nga të gjitha poezitë e tua :)
     
    Airbourne likes this.
  18. Airbourne

    Airbourne Papirus rex

    Trotuari i nostalgjisë.

    Pëshpërin sonte vetmia
    Bashkë me gjethet hiqet zvarrë,
    Trotuar, pllaka me vija
    Heshtje, gjethe, trotuar.

    Rrugë e gjatë e monotone
    Hapa malli të pafund,
    Zemra do ”destinacione”,
    Kurse ti, nuk nxjerrë ”gjëkund”.


    Shkel mbi pllakat vija-vija
    Duke ditur se ç’më pret,
    Në fund te tij ndodhet shtëpia
    Unë k’të rrugë e bëj kaq vjet’.

    Kaq vjet që shkel pllakat me vija
    E humb në ‘to si një i marrë,
    Dua të t’them, që nostalgjia.
    Më merr sa shkel, k’të trotuar.

    Dua të them që nuk të dua.
    Në këtë rrugë, ç’pësoj s’e di,
    Për çdo natë ecën me mua
    Nga këtu gjer në shtëpi.

    Dua të them që më mungon
    Ç’të të them e ç’të kuptosh,
    Herë, pranë vetes më afron
    Pa harruar t’më largosh.

    Destinacionin e di zemra.
    Rrugët janë veç t’i përshkosh!

    Poezi nga: Bledi Ylli

    PS: e di sa NOSTALGJI kam VETE???
    Te.............PANUMURTA.
     
    TinkerBell likes this.
  19. guest17

    guest17 Forumium praecox

    Elefanti dhe zogu!

    Me një elefant,një ditë
    Një zog i vogël,na u nxeh:
    "me mua,mos e kruaj,or mik!
    Kij kujdes, se mirë s'më njeh!

    Elefanti një shqelm i dha,
    Ia hodhi puplat në ajër..
    "prit sa të zhvishem!-zogu tha-
    Po s'të ndava më katër..!

    Faleminderit tinkerbell..mu bë qejfi,që të pëlqeu
     
    Airbourne and TinkerBell like this.
  20. guest17

    guest17 Forumium praecox

    Mendohej babai,i mërzitur
    Mbështetur,mbi sofrën bosh
    Rreth e qark,tre djem të rritur
    Më i vogli,një qeroz..

    Ngrihet më i madhi,në këmbë:
    "baba,po shkoj për gjah
    Ka dy ditë,barku më dhëmb
    Kërcasin zorrët...dua të ha!

    Por shpejt,kthehet në shtëpi
    Me duart bosh,e pikë e vrer
    Ngrihet i mesmi dhe me furi
    Përjashta sulet menjëherë.

    Por dhe i mesmi,s'vonoi shumë
    Në shtëpi kthehet,i pikëlluar
    "baba i dashur,po shkoj unë"
    Tha qerozi,duke u çuar..

    E pa i ati,me mosbesim:
    "s'bënë gjë ata,do bësh gjë ti?"
    E hapi portën,me nxitim
    U zhduk qerozi si veri..!

    Me hapa të lehtë,pa u ndjerë
    Me shtizë në dorë,u fut në pyll
    Por një tigër,rrugën i kish prerë
    U bë qerozi,i verdhë dyllë!

    Ia dha vrapit,u bë erë
    Drejt shtëpisë,u kthye shpejt
    U turr tigri menjëherë
    Pas qerozit,si shigjetë!

    Në prag të shtëpisë,u pengua
    Qerozi përtokë u shtri
    Tigri,gjithë vrull,dot s'u frenua
    Drejt portës u hodh,hyri në shpi!

    U ngit qerozi,me shpejtësi
    Nga jashtë mbylli,portën e vjetër:
    "rripeni këtë-tha ai-
    Sa t'iu sjell një tjetër!!"

    Vaso dushi
     
    Last edited: 1 Jun 2017

Shpërndajeni këtë faqe