Politika Rama në Nju Jork, nxit samitin botëror të diasporës

Diskutime tek 'Politika Shqiptare (ne te gjitha trojet shqiptare)' filluar nga Agjenti_007, 12 Apr 2016.

  1. Agjenti_007

    Agjenti_007 Kujdes.Ceta.Plak.E.Mallakastres Anëtar i Shtabit



    Në ditën e parë të vizitës zyrtare në SHBA e kryeministrit Edi Rama u takua me Kryetarin e Bashkisë së Nju Jorkut, Bill de Blasio. Rama vlerësoi marrëdhëniet e shkëlqyera mes Shqipërisë dhe Shteteve të Bashkuara të Amerikës, por edhe rolin që SHBA ka luajtur në mbrojtje të interesave kombëtare shqiptare.

    Në Nju Jork, kryeministri Edi Rama mori pjesë edhe në një aktivitet të organizuar nga komuniteti shqiptar, duke e vënë theksin në organizimin e Samitit të Parë të Diasporës.

    “Samiti do të jetë një event madhor, ku qeveria dhe aktorë të tjerë kombëtarë do të diskutojnë me përfaqësuesit e diasporës shqiptare nga çdo kënd i botës, në më shumë se 50 vende, për hapat konkretë që mund të hedhim për të forcuar lidhjet dhe bashkëpunimin midis nesh”, tha Rama.

    Kryeministri Rama e shikon këtë samit si një mundësi për të ngritur strukturën e bashkëpunimit.

    “Do të jetë një takim pa asnjë dallim për atë që jemi, nga vijmë, çfarë besojmë apo çfarë partie preferojmë. Do të jetë një takim i gjallëruar nga dëshira për t’u bashkuar përmes ideve, hapave konkretë, planeve të veprimit, duke u udhëhequr nga nevoja për të ndërtuar një urë midis nesh, shqiptarëve jashtë dhe atyre në Atdhe”, tha Rama.

    Në takim u shfaq filmi “Besa – Premtimi”, shoqëruar edhe me ekspozitë fotografike.
     

Shpërndajeni këtë faqe